header

 Hacı Tale Bağırovun saxlanma şəraitindən yeni xəbər var

"Yanına buraxılıb-buraxılmayacağımızı ayın sonunda görüşəndə biləcəyik"

İslamçıların Hüquqlarını Müdafiə Komitəsinin ombudsman Elmira Süleymanovaya, ədliyyə naziri Fikrət Məmmədova, Penitensiar Xidmətin rəisi Mədət Quliyevə etdiyi müraciətə heç bir cavab verilməyib.
   
Avqustun 30-da yayılan müraciətdə həbsdə olan ilahiyyatçı hacı Tale Bağırovun saxlandığı 12 saylı Cəzaçəkmə Müəssisəsində məhbus hüquqlarının pozulduğu bildirilərək Elmira Süleymanovadan dustağı nəzarətinə götürmək, onun məhbus haqlarını müdafiə etmək xahiş edilib. Fikrət Məmmədov və Mədət Quliyevdən həmin cəzaçəkmə müəssisəsində baş verənlərin nəzarətə götürülməsi, məhkumun təməl haqlarını pozan həbsxana rəisi barədə hüquqi ölçü götürülməsi istənib.
 
Müraciətin aqibəti haqqında “Media forum” saytına danışan vəkil, İslamçıların Hüquqlarını Müdafiə Komitəsinin üzvü Namizəd Səfərov ombudsmanın fəaliyyətsiz olduğunu vurğulayıb: “Ombudsman Elmira Süleymanovaya hacı Tale Bağırovun həbsxanada hüquqlarının digərləri ilə bərabər təmin edilməsi, qərəzli münasibətə məruz qalmaması üçün etdiyimiz müraciətə bu günə qədər heç bir reaksiya verilməyib, cavab gəlməyib. Ümumiyyətlə, Ombudsman Aparatında belə müraciətlərə heç vaxt cavab verilmir. Elmira Süleymanovanın özü ilə görüşmək mümkün deyil, hər kəsi köməkçiləri qəbul edir. Əslində Elmira Süleymanova hüquqları məhdudlaşdırılan şəxslərin işi ilə heç vaxt məşğul olmur, fəaliyyəti sönükdür, zəifdir, hiss edilmir”.
 
Hacı Tale Bağırovun yaxını Ramin Cəfərov ilahiyyatçıya münasibətdə cüzi dəyişikliyin olduğunu deyir: “Zənglərin müddətinə müdaxilə edirdilər. İndi bir o qədər maneə yoxdur. Yanına buraxılıb-buraxılmayacağımızı ayın sonunda görüşəndə biləcəyik”.
 
Hacı Tale Bağırov ötən il martın 31-də tutulub. Noyabrın 1-də Sabunçu Rayon Məhkəməsi onu qanunsuz narkotik vasitə saxlamada təqsirli bilərək 2 il müddətinə azadlıqdan məhrum edib. Bu il avqustun 13-də hacı Taleh Bağırovdan mobil telefon tapıldığına görə məhkəmə cəza müddətinə 4 ay da əlavə edib.
"Yanına buraxılıb-buraxılmayacağımızı ayın sonunda görüşəndə biləcəyik"
“Ərdəbil Məhde Təşəyyo”
Date published: 12:00
10 / 10ScaleMaximum stars
Starts: 10/16/2017 12:59:31 PM
Ends: Duration:
P.O. Box:
Ardabil,
Iran


Post a comment Related content

Send
SiteMap